Home Contact Phone
background

Xəbərlər

  • Gədəbəy şəhər İƏD üzrə nümayəndəliyin...

    Gədəbəy şəhər İƏD üzrə nümayəndəliyində vətəndaşların növbəti səyyar qəbulu keçirmişdir.

    2018-12-14

    Bu gün tam əminliklə deyə bilərik ki, qurucusu və memarı ulu öndər Heydər Əliyevin olduğu müasir Azərbaycan dövləti iqtisadi gücə sahib olan bir dövlət kimi bütün dünyada tanınır. Sağlam və etibarlı təməl üzərində qurulan bu dövlətin son 15 il ərzində Prezident İlham Əliyev tərəfindən uğurla idarə olunması isə dahi rəhbərin ideyalarının gerçəkləşməsi deməkdir. Məhz bu gün diqqət çəkən məqamlardan biri də odur ki, dövlət başçısının rəhbərliyi altında ölkəmizdə aparılan sürətli və dinamik inkişaf paytaxtla yanaşı, respublikamızın bütün bölgələrində də uğurla davam etdirilir. Son iki il yarım ərzində Gədəbəydə aparılan genişmiqyaslı abadlıq, tikinti-quruculuq işlərinin, eləcə də təhsil, səhiyyə, mədəniyyət, idman və digər sahələrdə əldə edilən uğurların timsalında bunu aydın şəkildə görmək olar. Rayonda ötən bu müddət ərzində daim diqqət mərkəzində saxlanılan sahələrdən biri də vətəndaşlara göstərilən qayğıdır. Gədəbəy Rayon İcra Hakimiyyətinin başçısı İbrahim Mustafayevin fəaliyyətə başladığı ilk gündən istər şəhər, istərsə də kənd sakinləri ilə keçirdiyi səyyar görüşlər və bu görüşlərdə icra başçısının sakinlərin müraciətlərini dinləməsi, qaldırılan hər bir məsələyə diqqət və qayğı ilə yanaşması Gədəbəydə vətəndaş amilinin ön plana çəkilməsi deməkdir. Bu qayğının nəticəsidir ki, rayon rəhbərinin sakinlərlə keçirdiyi görüşlər artıq bir ənənə halını alıb İcra başçısı cari ilin proqramına uyğun olaraq Gədəbəy şəhər İƏD üzrə nümayəndəliyində vətəndaşların səyyar qəbulunu keçirmişdir. Qəbulda şəhər sakinləri ilə yanaşı, aidiyyəti idarə, müəssisə və təşkilatların rəhbərləri də iştirak edib. Səyyar qəbul-görüşü giriş sözü ilə Rayon İcra Hakimiyyətinin başçısı İbrahim Mustafayev açaraq, şəhər sakinlərini salamlayıb, keçirilən görüşün əhəmiyyətindən danışıb. Rayon rəhbəri bildirib ki, keçirilən bütün səyyar görüşlərin əsas məqsədi siz sakinləri narahat edən məsələləri öz dilinizdən eşitmək və həlli istiqamətində əməli işlər görməkdir. Prezident İlham Əliyevin söylədiyi kimi bu gün Azərbaycan dövlətinin siyasətinin əsasında xalq və onlara göstərilən xidmət dayanır. Rayon rəhbəri dövlət başçısının siyasətinin prioritet istiqamətlərindən birini təşkil edən vətəndaş amilinin Gədəbəy rayonunda hər zaman ön plana çəkildiyini vurğulayaraq fəaliyyətə başladığı ilk gündən hər zaman kənd sakinlərinin arasında olmağı, onları narahat edən qayğıları öz dillərindən eşitməyi və sakinlərin istəyini, mövqeyini hər şeydən üstün tutduğunu bildirib. Qəbulda çıxış edən şəhər sakinləri görülən işləri müsbət qiymətləndirmiş şəhər ərazisində olan nasaz elektrik dayaqlarının dəyişdirilməsi, şəhərin Cavanşir Ağayev küçəsinin asfaltlaşdırılması, şəhərin Aydın Məmmədov küçəsinin işıqlandırma sisteminin quraşdırılması və şəxsi məsələlərə dair müraciətlər etmişlər. Şəhər sakinlərini dinləyən Rayon İcra Hakimiyyətinin başçısı İbrahim Mustafayev qəbul zamanı vətəndaşlar tərəfindən qaldırlan məsələlərin bəzilərinin həlli üçün aidiyyəti idarə, müəssisə və təşkilatların rəhbərlərinə öz müvafiq tapşırıqlarını vermiş, digər müraciətlərə isə qanuna müvafiq izahatlar verilmişdir. Görülən işləri müsbət qiymətləndirən şəhər sakinləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə öz dərin minnətdarlıqlarını bildiriblər.

  • Gədəbəy rayonunda 12 dekabr ümummilli lider He...

    Gədəbəy rayonunda 12 dekabr ümummilli lider Heydər Əliyevin anım günü izdihamla qeyd olundu.

    2018-12-12

    Dekabrın 12-də xalqımızın ümummilli lideri Heydər Əliyevin vəfatının 15-ci ildönümü ilə əlaqədar Gədəbəy rayonunda izdihamlı anım mərasimi keçirilmişdir. Rayon ictimaiyyətinin təxminən 3000 nəfərdən çox nümayəndəsi xalqımızın Ümummilli Lideri Heydər Əliyevin rayon mərkəzində ucaldılmış abidəsi önünə gül dəstələri qoyaraq, dahi rəhbərə sonsuz hörmət və ehtiramlarını bir daha da nümayiş etdirmişlər

  • Gədəbəy rayonunda Mülki Müdafiə sahəsində ...

    Gədəbəy rayonunda Mülki Müdafiə sahəsində 2018-ci ildə görülmüş işlər və 2019-cu ildə qarşıda duran vəzifələr mövzusunda müşavirə keçirilib.

    2018-12-06

    Gədəbəy rayonunda Mülki Müdafiə sahəsində 2018-ci ildə görülmüş işlər və 2019-cu ildə qarşıda duran vəzifələr mövzusunda müşavirə keçirilib. Müşavirədə Gədəbəy RİH başçısının birinci müavini, Rayon FHK-nın sədri Natiq Nağıyev, FHN Gəncə Regional Mərkəzin rəis müavini, polkovnik Məhəmməd Tağıyev, idarə, müəssisə və təşkilat rəhbərləri, bələdiyyə sədrləri, RİH başçısının şəhər və kənd İƏD üzrə nümayəndələri iştirak etmişdir. Müşavirəni giriş sözü ilə açan RİH başçısının birinci müavini, Rayon FHK-nın sədri Natiq Nağıyev mülki müdafiə sahənin vacibliyini qeyd edərək xidmət profilindən asılı olmayaraq bütün obyektlərdə illik mülki müdafiə tədbirlər planı əsasında mülki müdafiə tədbirlərinin icrasının vaxtında təmin olunması, əhaliyə və işçilərə mülki müdafiə sahəsində biliklərin öyrədilməsi, ehtimal olunan fövqəladə hadisələrin nəticələrinin operativ aradan qaldırılması üçün Mülki Müdafiə qüvvələrinin hazırlıq səviyyəsinin yüksəldilməsi tədbirlərinin həyata keçirilməsi qeyd olunmuşdur. Daha sonra hesabat məruzəsi dinlənilmişdir. FHN Gəncə Regional Mərkəzin rəis müavini, polkovnik Məhəmməd Tağıyevin bu sahədə mövcud problemlər və onların aradan qaldırılması istiqamətində görüləcək işlərlə bağlı geniş nitqi dinlənilmiş, 2019-cu il üçün qarşıda duran vəzifələr müəyyənləşdirilib. Sonra göstərilən məsələlərlə bağlı dinləmələr keçirilib, suallar cavablandırılmışdır.

  • Gədəbəy rayonunda ənənəvi hal alan, Rayon İ...

    Gədəbəy rayonunda ənənəvi hal alan, Rayon İcra Hakimiyyəti başçısının keçirdiyi səyyar qəbul və görüşlər sakinlərin qaldırdıqları problemlərin həllini tezləşdirməklə əhali tərəfindən razılıqla qarşılanır.

    2018-12-05

    Gədəbəy Rayon İcra Hakimiyyətinin başçısı İbrahim Mustafayev mütəmadi olaraq səyyar görüşlər keçirir, sakinlərin müraciətlərini yerində dinləyərək qaldırılan hər bir məsələyə diqqət və qayğı ilə yanaşır. Rayon rəhbərinin yerli sakinlər ilə keçirdiyi görüşlər artıq bir ənənə şəklini alıb. RİH başçısının növbəti səyyar görüşü rayonun Gərgər kəndində keçirilmişdir. Görüşdə kənd sakinləri ilə yanaşı, aidiyyəti idarə, müəssisə və təşkilatların rəhbərləri də iştirak edib. Səyyar qəbul-görüşü giriş sözü ilə Rayon İcra Hakimiyyətinin başçısı İbrahim Mustafayev açaraq, kənd sakinlərini salamlayıb, keçirilən görüşün əhəmiyyətindən danışıb. Rayon rəhbəri bildirib ki, keçirilən bütün səyyar görüşlərin əsas məqsədi siz sakinləri narahat edən məsələləri öz dilinizdən eşitmək və həlli istiqamətində əməli işlər görməkdir. Prezident İlham Əliyevin söylədiyi kimi bu gün Azərbaycan dövlətinin siyasətinin əsasında xalq və onlara göstərilən xidmət dayanır. Rayon rəhbəri dövlət başçısının siyasətinin prioritet istiqamətlərindən birini təşkil edən vətəndaş amilinin Gədəbəy rayonunda hər zaman ön plana çəkildiyini vurğulayaraq fəaliyyətə başladığı ilk gündən hər zaman kənd sakinlərinin arasında olmağı, onları narahat edən qayğıları öz dillərindən eşitməyi və sakinlərin istəyini, mövqeyini hər şeydən üstün tutduğunu bildirib. Qəbulda çıxış edən kənd sakinləri görülən işləri müsbət qiymətləndirmiş kənd ərazisində olan nasaz elektrik dayaqlarının dəyişdirilməsi, kəndə təbbi qaz xəttinin çəkilməsi və şəxsi məsələlərə dair müraciətlər etmişlər. Kənd sakinlərini dinləyən Rayon İcra Hakimiyyətinin başçısı İbrahim Mustafayev qəbul zamanı vətəndaşlar tərəfindən qaldırlan məsələlərin bəzilərinin həlli üçün aidiyyəti idarə, müəssisə və təşkilatların rəhbərlərinə öz müvafiq tapşırıqlarını vermiş, digər müraciətlərə isə qanuna müvafiq izahatlar verilmişdir. RİH başçısı görüşə yekun vuraraq bildirib ki, ölkə başçısı İlham Əliyevin siyasətinin təməlində xalqa xidmət dayanır. Biz də öz işlərimizi həmin təməl üzərində quraraq uğurla həyata keçiririk. Siz sakinlərlə keçirilən bugünkü səyyar görüş də bunun bariz nümunəsidir.

  • Gədəbəy rayonunda 3 dekabr – Beynəlxalq Əli...

    Gədəbəy rayonunda 3 dekabr – Beynəlxalq Əlillər Günü qeyd olunmuşdur.

    2018-12-03

    Gədəbəy rayonunda 3 dekabr – Beynəlxalq Əlillər Günü münasibətilə tədbir keçirilmişdir. Tədbirdən öncə rayon rəhbərliyi və tədbir iştirakçıları, rayon mərkəzində ucaldılmış xalqımızın ümummilli lideri Heydər Əliyevin abidəsi önünə gül dəstələri qoyaraq Ulu Öndərin əziz xatirəsini ehtiramla yad etmişlər. Rayon İcra Hakmiyyətinin təşkilatçılığı ilə keçirilən tədbirə rayonda fəaliyyət göstərən əlil cəmiyyətlərinin üzvləri, müxtəlif səbəblərdən əlil olmuş vətəndaşlar dəvət olunmuşdur. Əvvəlcə Rayon Mədəniyyət Mərkəzində əlillərə həsr olunmuş “Sevgi ölmür” lirik dramı tamaşası Gəncə Dövlət Dram Teatırı tərəfindən nümayiş etdirilmişdir. Tədbir daha sonra “Ecaz” Şadlıq sarayında davam etmişdir. Tədbiri giriş sözü ilə Rayon İcra Hakimiyyətinin başçısı açaraq, əlilləri salamlamış, onlara uzun ömür və can sağlığı arzulamışdır. Bildirmişdir ki, BMT-nin təşəbbüsü ilə dünya miqyasında keçirilən “3 dekabr Beynəlxalq əlillər günü” Ulu Öndər Heydər Əliyevin Sərəncamı ilə 1994-cü ildən etibarən Azərbaycanda da geniş şəkildə qeyd olunur. Azərbaycan BMT Baş Məclisi tərəfindən 2006-cı ildə qəbul edilmiş “Əlillərin hüquqları haqqında” Konvensiyaya qoşulub. Ölkəmizdə əlillərin sosial müdafiəsi ilə bağlı həyata keçirilən genişmiqyaslı tədbirlərin əsası Ulu Öndər Heydər Əliyev tərəfindən qoyulub. İnsan amilini xüsusi diqqətdə saxlayan görkəmli dövlət xadiminin Azərbaycana rəhbərliyi dövründə əlillərin sosial müdafiəsi, onların cəmiyyətə inteqrasiyası ildən-ilə daha da yaxşılaşmışdır. RİH başçısı ölkə prezidenti cənab İlham Əliyevin əlil vətəndaşlara göstərdiyi diqqət və qayğıdan danışmış, bu istiqamətdə Gədəbəy rayonunda görülmüş işlər və həyata keçirilmiş tədbirlər barədə məlumat vermişdir. Daha sonra digər tədbir iştirakıçıları çıxış edərək əlilləri, fiziki cəhətdən sağlamlığında problem olan insanları 3 dekabr - Beynəlxalq Əlillər Günü münasibətilə təbrik edib, rayon rəhbərliyi tərəfindən göstərilən qayğıdan danışıblar. Qeyd ediblər ki, hələ ötən əsrin 90-cı illərindən ümummilli lider Heydər Əliyevin diqqət və qayğısı nəticəsində əlilliyi olan şəxslərin istedad və bacarıqlarının dəstəklənməsi üçün bu kimi respublika səviyyəli tədbirlərə başlanılıb. Tədbir musiqi proqramları və nahar süfrəsi ətrafında davam etmişdir.

Foto qalereya